【直話直樹】人工智能經理

「銀行客戶經理轉工就話難啫，如果我一心一意去前線發展嘅話，咁就冇問題啦！做sales係幫公司搵錢嘅職位，唔使學歷又搵到高人工，我對於呢份工作好滿意呀！」無錯，暫時來講都可能係嘅。

不過，大家試吓將目光放得長遠一啲，今年全個金融業都好Hit嘅一個話題就係：人工智能。

人工智能顧名思義，就係人類製造出來的腦袋，好多人都話佢可以代替人類做到嘅嘢，有好多嘅職位都有機會俾呢班人工智能去取代。你見宜家好多公司都係度發展人工智能，例如某間著名嘅基金公司已經炒左一堆基金經理同分析員，用人工智能取代。

如果呢一刻係客戶經理嘅你，有冇諗過如果人工智能普及化嘅時候，你又係唔係真係咁值錢呢？做前線唔需要任何market知識，淨係跟住銀行Investment direction比意見，每一日淨係打俾客戶去update 同 review portfolio，你覺得人工智能識唔識咁樣去做？

「咁係都係後勤嘅人俾人炒先啦，咁多日復一日同重複又重複嘅工序。」啱嘅，不過我認為呢個只係「先」同「後」嘅分別，而家講緊嘅係人工智能取代人類，如果你身上面嘅技能係好容易被取代嘅話，其實都有危險性，不過我知道做得客戶經理嘅人唔多唔少都係十分自信嘅，冇咁容易嚇到你。咁你又試吓諗如果你係公司嘅管理層，有一個新科技可以幫你開源節流，你會比較想減少高薪嘅前線人員定係底薪嘅後勤呢？

「你可能又會諗relationship呢一樣野係只有人類同人類之間先會做到嘅，你個客冇理由會鍾意同個機械人講心事架嘛，除非真係有多啦A夢出現，咁人同機器人先會有良好嘅感情。」無錯呀，筆者亦都係咁樣認為， 不過你做緊間公司又係唔係咁諗呢？試吓回想下你嘅日常生活入面，係唔係喺工作上多咗好多要問客戶資料嘅admin工作？例如：佢嘅健康情況、幾時想退休、有幾多個仔女、甚至佢有啲乜嘢人生目標添，全部都要入晒落電腦，佢地要數據真係幫到你sell野？心照啦。有啲銀行直情搞埋人工智能嘅投資顧問比賽，目的係啲乜？唔通真係鼓勵青少年創業咩，當然就係攞你idea啦！其實一切都係一個金融大騙局。

筆者最期望嘅事又會唔會發生呢？人工智能嘅人工唔需要去計佣金，咁銷售嘅時候咪會比較公平中肯囉。我哋再睇多次今日討論嘅話題：人工、智能。佢係人類製造出來嘅嘢，銀行又點會真係為你着想呢？「少年，你太年輕了！」講到呢一度，無論身為客戶經理、金融從業員定後勤部門嘅各位，希望大家都盡快學一技之長去傍身，就算將來真係冇工做，起碼都唔使餓死。

【直話直樹】打風都要跑數？

「一定要8號、一定要8號、一定要8號…」相信呢個都係每個打工仔係準備打風嘅時候嘅心聲，突如其來嘅一日有薪假期，仲可以好好咁享受，但係作為銀行做客戶經理嘅你又係唔係真係咁諗呢？

放咗一日假就即係代表少咗一日跑數，target係唔會因為打風而少咗，反而唔知點解返番公司嘅時候好似爭人錢咁，俾人追債，更加大壓力。老細會想盡一切嘅藉口，話俾你聽你條數跑得唔夠好，你本來有權利享受嘅假期有機會要取消，原因呢？因為打颱風你已經放咗假。

第二日返到公司，即刻就起勢咁捽你，一開頭就問你琴日打風話嚟個客你約左幾時再嚟，你唔好諗住話你未約到，因為咁樣一定比老細話你：「你明知打風你都唔同個客再約個時間？」然後我心諗…

話晒都「今朝有酒今朝醉，明日愁來明日憂」，唔好理佢三七定廿一，放假休息左日先算，但係最慘嘅莫過於李氏力場突然間啟動，然後全世界一齊狗衝返公司，話就話交通延誤，可以俾你慢慢返公司，其實都係另一種虛偽。大家明啦！

明明唔夠12點鐘落波，返到公司1點鐘，然後唔知點解仲會無埋個lunch time，跟住嘅時間就係半日當一日咁去做，糧照出所以數照跑，銀行就多數都靜到隻蚊飛過都聽到，你就唯有打俾啲客去review一下啦，當然就係十問九唔應，好正常啫，俾你你都唔想應啦。

但係收工冇數又會比人問你原本今日約咗個客去咗邊呢？明明朝早先打完風，有經驗嘅大家都會知道係咁唔穩定嘅天氣下，個客放飛機嘅機會係十分之高嘅，然後俾人鬧嗰個又係你。

「點解個客會放飛機架？」「點解今日會冇數架？」「你明知今日天氣唔好，你啲客又放左飛機，你冇諗過用乜辦法去追番條數嫁咩？」_你老味，不如我放假都係屋企繼續call客丫笨，當然呢個只係我心裏面嘅諗法，從來都冇講過出口。打份工姐，你咪當佢耳邊風囉…

其實講咁多都係想鼓勵下大家，放鬆D啦客戶經理，唔好因為你老細嘅無理取鬧而覺得唔開心或者大壓力，更加唔好因為咁而做出啲呃客人嘅舉動，因為咁樣唔值得啊！如果你打風都好擔心你條數嘅話，一係你下次積極小小咁去諗，聽日一定會好天嘅，你個心會唔會快樂多少少？
大家好好休息，然後繼續俾人捽。

【直話直樹】強搶強國人

近幾年，中國經濟發展蓬勃，遇上人民幣眨值的預期及外匯管制的問題，不少內地人便想盡辦法將資金轉移到香港，當然當中各有目的，有人為了將來子女海外升學、有人為了移居海外退休、有人為了投資理財等…

內地人對於香港的金融產品自然不熟悉，不過他們抱住相信的態度，畢竟香港作為國際金融中心，自然是信心的保證，傳統的想法亦認為銀行顧問專業可靠，結果正中下懷，羊入虎口，一去不返。

入到銀行，開戶員來個KYC (Know your customer)問東問西，銀行了解客戶，防止客戶利用銀行賬戶作不法用途，保障銀行利益是必須的。不過，很多銀行職員都利用這一點去推銷產品，說什麼「與銀行保持長久的良好關係」、「購買產品才是真正的需要」等，筆者稱為「關係開戶法」，不少內地人都因為文化關係，誤以為這是必須的，繼而購買了一份保險計劃，詳細可以參考筆者過往文章【中國人團購】。

有部份內地客戶是真的有興趣海外的資產配置亦信奉環球投資，主動提出了解理財產品的要求，與客戶經理見面。誰知道花上大半個小時去解說的理財計劃原來就是保險和基金，當中隻字不提「保險」兩個字是最高的銷售境界，直到客人簽名一刻才知道原來香港理財等於保險。

至於所謂的基金「理財」，就是運用客戶經理的專業知識不停左轉右轉，只要新聞夠恐慌，故事夠樂觀動聽，很多內地客人都會以一句：「我相信你們的專業意見」，然後陳總王總就不明不白地把基金轉走，不論賬面賺蝕都要付上１％的轉換費，而客戶經理就成功追上了他們需要的營業目標，詳細可以參考筆者過往文章【基金當股票炒】。

如果內地客戶沒有時間管理香港賬戶怎麼辦？客戶經理就會選取出擁有大量存款的致電問候，輕則提醒客戶要定期來港激活戶口；高一層次就是告訴客戶提款卡信用卡要換新，要來港換取新卡；最狠心的是恐嚇性約客，由於共同申報準則(Common Reporting Standard, CRS)的關係，直接恐嚇客人要來港簽署文件，否則賬戶隨時被關，種種約客方法加上層出不窮的推銷方法，的確帶來了不少業績。

筆者多次提及以往文章，原因是因為客戶經理們對著香港人狠的話，我可以告訴你，對著內地人更狠，大家都如狠似虎地看著銀行門口光臨的是操普通話口音的內地人。真正的投資理財方案應該包括多種資產的選擇，不應該只是保險與基金。最後，筆者不是想提及任何中港矛盾問題，只是認為銀行職員不應該因為對方不了解產品，推銷行為更為惡劣。

【直話直樹】財演有感

財經演員，是香港股市對經常在公眾媒體曝光的財經分析員的貶稱，尤其是在股市暢旺時，散戶投入度高，大家都希望聽number，財演就有如上帝一樣，打救大眾。可惜質素多良莠不齊，散戶偏偏又不懂得區分，結果一個大跌市損失慘重。

一直有關注的讀者都應該知道筆者出身於銀行，只是小小的一個客戶經理，談不上專家、亦當不上財演。只是心感金融界的黑暗，心裡又有一團不想熄滅的火，幸好遇上兩位志同道合的伙伴，於是大家希望為業界作出一點改變，從【直話直樹】開始揭發銀行業的失實推銷手法，而兩位伙伴則負責傳遞及分享正確的投資方法，當初大家懷著一個夢成立專頁，生活從此充實起來，人生得一知已，夫復何求，更何況我有兩個？

年初至今，港股市況大好，筆者眼見公眾平台上出現甚多投資的專家，當中不乏質素成疑的財演，聲稱日日都可以賺錢、槓桿投資一世無憂，更相信有部份還是學生，經驗尚淺便成立課程。筆者眼見大眾都抱著聽Number的心態，信奉各種快速致富的方法，而忽視了「風險與回報」的簡單道理。

筆者對今次升市感到可恨、無奈及心痛，可恨一些財演五時花六時變，今天建議買入明天就賣出，每日都有不同的投資建議，大數法則在升市下一定中；無奈大眾不懂分辨好壞建議，畢業自己也經歷過投資失敗，炒細價股、日日出市出入、牛熊證，乜都試過輸過；心痛兩位可靠的伙伴，日夜研究環球市場及股票市場，不眠不休地研究，不是因為跑羸大市好難，而是負責任地講Number好煩，閱讀幾年報表、同行比較、盈利預測、業績發佈等……

我們堅持不會只靠圖表就分享Number，價值投資法與資產配置是我們的宗旨，同樣地亦需要時間證明自己實力，所以筆者希望物極必反，大跌市快點出現，而且對兩位伙伴的實力充滿信心，到時大眾就可以見真彰，分出財演的好與壞。

推出會員制是一個大膽的嘗試，金融資訊太多，大眾都習慣免費得到投資建議，但免費的又等不等於好呢？會員制並不是想大眾由免費Number變成月費Number，會員服務亦會包括公司分析的短片、環球投資資訊的月刊等，希望大家習慣要了解原因、有所付出才會有所收穫，畢竟世上沒有免費的午餐。

暑假來臨，我們亦有幾位自願幫忙的實習生一起工作，在此特別嗚謝，希望他們有所得著。如果你還是學生，希望我們的專頁資訊對你有用，學投資就應該學最正宗的價值投資法！

有時候頗為灰心，因為堅持自己很難，放棄卻很容易，加油。